Bu gün "Hər şey daxil" verilişi maraqlı olaya şahidlik edib.
Milli.Az xəbər verir ki, yemək bişirmək məqsədi ilə efirə dəvət edilən türkiyəli aşbazın ədviyyatı əzmək istəyi canlı yayımda bir neçə dəqiqəlik səs-küyə səbəb olub.
Verilişə qonaq olan müğənni Ramal da, baş verənləri təəccüblə izləyib. Hətta verilişin eksperti Tolik "Murad abi söküb, dağıdır e..." sözləri ilə aşbaza xəbərdarlıq etsə də, o, buna məhəl qoymayıb. Prodüserin Ramalın danışdığı zaman bu ifadələri işlətməsi isə bəstəkar-müğənni Ramal İsrafilovun xoşuna gəlməyib:
"Sən mənə sual verdin, qoy sualım qurtarsın, sonra keç Murad abivə"
Qeyd edək ki, Tolikin ikinci xəbərdarlığı sonrası aşbaz əl saxlayıb və studiyadakı səs-küy kəsilib.
