Müğənni İradə İbrahimova prodüser Tarix Əliyevi (Tolik) İnstaqramda "qara siyahıya" atıb.
Mynews.az-ın məlumatına görə, buna səbəb Tolikin İradə ilə qalmaqal yaşayan Röya Ayxanın tərəfini tutması olub.
Prodüserin açıqlamalarına əsəbiləşən İbrahimova onu dostluqdan silib.
"Bir izləyicimi də itirdim. Ay Allah, nə pis oldum. İzləyicilərimin hamısı məni silə bilər, incimərəm, heç vecimə də olmaz" deyə, Tolik "Hər şey daxil" verilişində İbrahimovaya cavab verib.
Qeyd edək ki, Tolik İradə haqda “İradə Türkiyə şou-biznesinə qatılmaq istəyib və 200 min dolları batıb. Bunu mənə İradə özü deyib. İradə ərə gedəndən sonra Bakıdakı evini satıb. Tarkanın keçmiş prodüseri Uyqar Ateş İradə ibrahimova ilə Türkiyədə işlər görmək istəyib. Çoxlu pullar töküblər və 200 mini batıb. İradə demədi ki, mən də sizin kimi orada yaşaya-yaşaya pullar tökdüm, amma məni aldatdılar” sözlərini söyləmişdi.
