Xəbər verdiyimiz kimi, Sevil və Sevinc Səfərova bacıları bu gün sonuncu dəfə “Hər şey daxil” verilişinə aparıcılıq ediblər.
Mynews.az-ın məlumatına görə, əkizlər göz yaşlarını saxlaya bilməyiblər. Dünən verilişdən getmələri haqda efirdə danışacaqlarını desələr də, bacılar heç bir açıqlama verməyiblər.
Proqramın digər aparıcısı Tarix Əliyev (Tolik) Sevil və Sevincin getməsində onu günahlandıranlara cavab verib:
“Elə bilirlər mənə görə gedirlər. Buna görə deyil, öz qərarlarıdır. İstəməzdim məndən sonra bu hadisə baş versin. Allah bizim qəlbimizə görə ruzimizi yetirir. Özümü günahkar hiss etdim. Bəlkə gəlməsəydim, belə qərar verməzdilər. İstəmərəm ki, onlar getsin. Yenə də öz qərarlarıdır”.
