Park Cinema kinoteatrlar şəbəkəsi və ADDIM Gənclər Təşkilatı artıq 3 ildən çox davam edən "Cinemaya ADDIM-la" layihəsi çərçivəsində növbəti film nümayişi baş tutub.
Kinoteatrlarda film izləmə ənənəsi və mədəniyyətinin təbliği məqsədi ilə həyata keçirilən "ParkCinemaya ADDIM-la" adlı layihəsinin yeni ildə ilk qonağı teleaparıcı Afaq Gəncəli olub.
Layihə çərçivəsində aparıcı gənclərlə bərabər rejissor Ceyms Foulinin qalmaqallı " Azadlığın əlli çaları" filminə baxıblar. Nümayişdə media nümayəndələri, ADDIM Gənclər təşkilatının üzvləri iştirak ediblər.
Tədbirin əvvəlində ParkCinema nümayəndəsi Lalə Ələkbərova, ADDIM Gənclər Təşkilatının yaradıcısı Hüseyn Cavadzadə və Afaq Gəncəli çıxış edərək qonaqları salamlayıblar. Filmin dünya premyerasından 1 gün öncə nümayiş olunduğu qeyd olunub. Teleaparıcı Afaq Gəncəli çoxdandır gənclərlə birlikdə film izləmədiyini və bunu onun üçün xüsusi maraqlı olduöunu qeyd edib.
Filmdə Dakota Jhonson, Jamie Dornan, Eric Jhonson, Kim Bessinger, Max Martini və başqa məşhur ulduzlar rol alıblar. Filmin 3-cü hissəsi qəhrəmanların evlilikdən sonrakı həyatından bəhs edir.
Qeyd edək ki, Park Cinema - Azərbaycanda müasir çoxzallı kinoteatrların ən iri milli şəbəkəsidir. Hazırda şəbəkəyə Park Bulvar, Metro Park, Zagulba Mall ticarət və əyləncə mərkəzlərində, ölkədə yeganə IMAX formatlı nümayişlərin təqdim olunduğu Flame Towers, həmçinin Masallı, Quba və Mingəçevir kimi regionlarda yerləşən kinoteatrlar və Amburan Beach Club-da yerləşən yay kinoteatrı daxildir.
