Mynews.az xəbər verir ki, Azərbaycanın bir çox tanınmış mahnılarının müəllifi olan Kəmalə Qasımova öz yubileyini Türkiyənin məşhur müğənnisi Petek Dinçöz və yaxınları ilə İstanbulda qeyd edib.
Gecəyə Petek Dinçöz həyat yoldaşı və ailəsi ilə qatılıb. Bundan başqa dünya çempionumuz Mirzə Məmmədov, aparıcı Nigar Mahmudova, Pərviz Sultansoy da iştirak edib.
Gecədən canlı yayım edən müğənni minlərlə izləyicisinə sürpriz açıqlamalar edib. Sözü və musiqisi Kəmalə Qasımovaya, aranjımanı Qara Dərvişə aid olan “Kabusun olurum” mahnısına yaxın günlərdə klip çəkiləcəyini bildirib.
Dinçöz azərbaycanlı fanatlarına səslənərək klipdə onlar üçün sürprizlər olacağını da açıqlayıb.
Qeyd edək ki, Kəmalə Qasımova bundan öncə Mustafa Ceceli ilə iş birliyi etmişdi.
