Son günlər səhhətində problem yaranan xalq artisti Arif Quliyev açıqlama verib.
Mynews.az bildirir ki, o, BiG.AZ-ın əməkdaşı ilə söhbətində vəziyyətinin yaxşı olduğunu, narahatçılığa heç bir əsas olmadığını dilə gətirib. Aktyor səhhəti ilə bağlı sənətdən də danışıb:
"67 yaşım var. Səhhətimdə nasazlıqlar yaranması normaldır. İnsanlar xəstələndiyimi, və yaxud başıma hər hansı bir hadisənin gəldiyini eşidəndə təşvişə düşürlər. Məsələn, bir dəfə kino çəkilişi zamanı traktor sürürdüm, yıxıldım, səhhətimlə bağlı yüngül problem yaşadım. Yazdılar ki, Arif Quliyevi maşın vurub, vəziyyəti ağırdır. Belə əsassız xəbərlərlə insanları narahat etmək düzgün deyil. Demək istəyirəm ki, yaxşıyam".
