"Hara baxırsan haqsızlıq, dava-dalaş, müharibələr, faciə..."

Maqazin

19:33 26.02.2018

"Hara baxırsan - haqsızlıq, dava-dalaş, müharibələr, faciələr, amansız cinayətlər, insan arzularının darmadağın olması, qlobal, total təqib və basqılar..."

BiG.AZ xəbər verir ki, bu sözləri xalq artisti Faiq Ağayev deyib. O bildirib ki, bəşəriyyətdə bu cür haqsızlıqlar, faciələr baş versə də, yenə sənətə sığınır:

"Qınamayın məni. Deməyin ki, pessimistəm, bədbinəm.

Tarixin bütün dövrlərində bəni-adəm zülm, şiddət, ədalətsizliklər görüb. Amma, hər şeyə rəğmən, xoş gələcəyə inamını itirməyib.

XXI əsr bəşər övladının mərhəmət, sevgi, şəfqət - bir sözlə, insaniyyətə ümidlərini puç edir büsbütün. 
Hara baxırsan - haqsızlıq, dava-dalaş, müharibələr, faciələr, amansız cinayətlər, insan arzularının darmadağın olması, qlobal, total təqib və basqılar...
Ucuz alıb, baha satan dünya...

Bu dəhşətlər arasında yeğanə sığınacağım - Sənətdir. 
İnamı, ümidi, ruhuma sığalı onda tapıram yalnız.

"Dünyanı gözəllik xilas edəcək" deyiminin dərin mənası budur, həqiqətən.

Bir gün bəşəriyyətin nizama gələcəyi xəyalı ilə yaşayan, sizin, 1oo%F.A".