Dövlət Sərhəd Xidməti (DSX) ilk sərhədçi qadın pilot Dilarə Babayevanın xatirəsinə həsr olunmuş video rolik hazırlayıb.
Bizimyol.info-nun məlumatına görə, mərhum pilotun xidmətini əks etdirən videorolik DSX-nin “Youtube” səhifəsində yerləşdirilib.
Baş leytenant Dilarə Babayeva Dövlət Sərhəd Xidmətinin Aviasiya Dəstəsinin ilk qadın pilotu olub və Mi-8 helikopterini idarə edib. Xanım pilot xidməti dövründə DSX-nın rəhbərliyi tərəfindən təltif olunub.
Qeyd edək ki, D.Babayeva 2016-cı ilin avqust ayının 30-da 1 saylı şəhər xəstəxanasında dünyasını dəyişib. İlkin olaraq zəhərlənmə şübhəsi ilə xəstəxanaya gətirilən və 36 həftəlik hamilə olan D.Babayeva tibbi müdaxiləyə baxmayaraq vəfat edib. Onun bətnindəki körpəsi də tələf olub.
