Tanınmış müğənni Niyam Salaminin ölkəni birdəfəlik tərk etməsi ilə bağlı mətbuatda xəbərlər dolaşır.
Bəziləri isə onun həmkarı Samir Piriyevlə şərik olaraq, restoran biznesinə başladığını bildirib. Milli.Az-a açıqlama verən müğənni bütün bunlara aydınlıq gətirib:
“Bəli, artıq bir müddətdir ki, Türkiyədəyəm. Həmkarım Samirlə burada bir restoran açmışıq. Həm rəhbərik, həm də restoranda həftədə bir dəfə səhnə alacağıq. Demək olar ki, birdəfəlik Türkiyəyə köçmüşəm. Ayda, ildə bir dəfə gələcəyəm, əgər normal toy olarsa, oxuyub gedəcəyəm. Mart ayında 1-2 günlük gəlməliyəm. Məkanlardan birində konsert verməyimi istəyiblər, razılaşsam, gəlib, daha sonra qayıdacağam”, – deyə müğənni bildirib.
.
