Xəzər tvdə yayımlanan “Bizə danış” verilişində həssas məqamlara toxunulub.
Belə ki, hər dəfə insan axtarışında olan aparıcı bu dəfə xalça axtarışında olub. Bu xalça Xoşqədəm Hidayətqızına nənəsinin toxuduğu xalçaları xatırladıb.
Mynews.az xəbər verir ki, Xoşqədəm illər öncə düşmənlərin hücumu nəticəsində qoyub qaçdıqları milli xalçalardan söz açıb:
“Anamın 8 qızı vardı. Nənəm hər qıza 2 xalça toxumuşdu. Nənəmin bizə toxuduğu o xalçaların, gəbələrin çıxarkən bir dənəsini də götürə bilmədik. Bu gün mənim üçün neyə deyirəm ki, önəmlidir bu? Çünki orda bizim sevincimiz, kədərimiz, nənələrimizin göz yaşı, sevinci vardı. O üzdən önəmlidi. Allah düşmənlərimizə nəhlər eləsin”. Bu sözləri deyərkən o elə hönkürtü ilə ağlayıb ki, studiyada oturan bütün iştirakçıları da ağladıb.
