"Firəngiz Bakıda məkan qoymayıb, görməmişlikdir" Rəhim Rəhimli

Maqazin

18:51 12.03.2018

ARB TV-nin "Açıq pəncərə" proqramının ilk buraxılışının qonaqlarından biri müğənni Rəhim Rəhimli olub.

Milli.Az bildirir ki, o, məşhurların sosial şəbəkə paylaşımlarını qınayıb:

"Yeyib-içdiyimizi insanalara göstərmək olmaz. Evi, maşını nümayiş etdirmək olmaz. Evimə bu vaxta kimi kamera girməyib. Bir dəfə proqramda baxmışdım ki, aparıcı girir yataq otağına, şkafı açır. Bu, tərbiyəsizlikdir. Sevmirəm yeyib-içdiyimi göstərim, maşınımı göstərim".

Müğənni bildirib ki, bunlar onun şəxsi fikirləridir:

"Müğənnilər mənə bu dediklərimə görə, cavab verməsin. Bu, mənim öz fikrimdir. Ağızlarını Allah yoluna qoyub danışmasınlar. Bu, insanların nəfsi ilə oynamaqdır. Bunu yeyə bilməyən, maşını sürə bilməyən var".

Rəhim məşhurların hər yerdə şəkil çəkib paylaşmasını da pisləyib:

"Bəzi müğənnilərimiz Bakıda məkan qoymayıb. Səhv etmirəmsə Vasif demişdi ki, maşallah, Firəngiz məkan qoymayıb. Bunlar görməmişlikdir. Görməmişliyin əlamətidir, görməyib".