Xalq artisti Aygün Kazımova ilə əməkdar artist Röya Ayxan arasındakı qalmaqal yenidən alovlanıb.
Mynews.az-ın məlumatına görə, Kazımova 2002-ci ildə Heydər Əliyev Sarayında baş tutan “Gələrsiz-görərsiz” adlı konsertdən görüntü paylaşıb və küsülü olduğu müğənniləri işarələyib. Videoda Röya, Kamran Həsənli, Tünzalə Ağayeva, Natavan Həbibi və Elnarə Xəlilova yer alıb.
R.Ayxan bununla bağlı məlumatları İnstaqram səhifəsində paylaşaraq “Etim töküldü... Bəsdir də, xoda düşər xatirələr” sözlərini yazıb.
A.Kazımovanın cavabı da gecikməyib. Müğənni İnstaqramında öz videosunu paylaşaraq “Sus!” sözünü yazıb.
Hər kəs Kazımovanın bu ismarıcı Röyaya ünvanladığını qeyd edib.
