Fonoqram bəlası təkcə Azərbaycanda deyil. Bir çox müğənnilər məhz bu “sehrli güzgü” arxasında özlərinə fanat ordusu toplayıb, xalqın sevimli artistinə çevrilib. Canlı konsert vermək isə, sözsüz ki, hər özündən deyən müğənninin işi deyil.
Rusiyanın xalq artisti, sevimli müğənni Filipp Kirkorovun da əsl səsi eşidənləri şoka salıb. Bir müddət əvvəl “ilin mahnısı” müsabiqəsində tamaşaçıların önünə çıxan Kirkorov həmişəki kimi fonoqramın hesabına səhnədə özünü sərbəst aparıb. Ancaq sonradan onun səs rejissorunun pultla idarə etdiyi əsl səsi ortaya çıxıb. Həmin konsertdən görüntülər sosial şəbəkələrdə paylaşılıb.
