Tünzalə atasına yas saxlamadığına görə onu qınayanlara cavab verdi

Maqazin

12:45 30.04.2018

Əməkdar artist Tünzalə Ağayeva atasını itərəndən sonra ilk dəfə kamera qarşısına keçib. 

Mynews.az xəbər verir ki, “Xəzər Magazin”ə danışan müğənni atasının uzun müddətdir, ağır xəstəlikdən əziyyət çəkdiyini deyib: 

“Bir gün gələr bir gün gedir. Amma bunu yaşamaq çətindir. Valideynin boşluğu insanın içində qalır, onun yerini heç nə doldurmur. Atamın ağır xəstə olmasını bilirdim. Bu bizim üçün qəfil hadisə olmadı, o, ağır xəstə idi. Atam mənə çox böyük savab qazandırdı. Düzdür, daim yanında ola bilmirdim. Amma bir övlad kimi ona qayğı göstərirdimsə, bu, atamın mənə qazandırdığı savab idi”.

Tünzalə atasının 40 mərasimi çıxmadan məclislərdə oxumasına görə onu qınayanların cavabını belə verib: 

“Onu yazanların həyatında bir hadisə baş verirsə, onlar işlərini atıb bir il evdə otururlar? Heç kimin işi-gücü yoxdur? Məni qınayanlar o qədər boş məxluqlardır ki... Bu, böyük düşüncəsizliyin, səviyyəsizliyin, boşluğun əlamətidir. Ailədə özləri dedilər ki, sənin evdə oturmağın mümkün deyil, işinə davam etməlisən”.