Portuqaliyanın paytaxtı Lissabonda “Avroviziya” beynəlxalq mahnı müsabiqəsinə start verilib.
Yenicag.az xəbər verir ki, bu gün müsabiqənin təşkil olunduğu “Altis Arena”da ilk yarımfinal keçirilir.
Azərbaycanı təmsil edən Aysel Məmmədova də müsabiqədə ilk çıxışını edib. O, “X my heart” adlı mahnısını səsləndirib.
Qeyd edək ki, bu mahnını yunan bəstəkar və prodüser Dimitros Kontopulos və isveçli Sandra Byorman yazıblar.
Müsabiqədə 43 ölkə iştirak edir. Onlardan 37-si yarımfinallarda mübarizə aparacaq. İkinci yarımfinal mayın 10-da, final isə mayın 12-də baş tutacaq.
