RUHİNİN YALANI İFŞA OLUNDU, sən demə Ombudsmanın təşəbbüsü ilə baş tutan tədbiri öz adına ....

8 Mart Beynəlxalq Qadınlar Günü münasibətilə Azərbaycan Respublikasının Ədliyyə Nazirliyi Penitensiar Xidmətinin 4 saylı qadın cəzaçəkmə müəssisəsindəki məhkum xanımlar üçün konsert proqramı təşkil edilib. 

Mynews.az  azxeber.com-a istinadən , bu cür görüşlər mütəmadi keçirilsə də, şou saytlarının yazdığına görə bu dəfəki görüşün təşəbbüskarı müğənni Ruhi Əliyeva olub. 

Bayram yığıncağında Ruhi Əliyeva ilə yanaşı Azərbaycan Respublikasının İnsan hüquqları üzrə müvəkkili (Ombudsman) Elmira Süleymanova, Ədliyyə Nazirliyi Penitensiar Xidməti Tərbiyə müəssisələri nəzdində yaradılmış Himayəçilik şurasının sədri, Səbail rayon İcra Hakimiyyətinin birinci müavini Xalidə Bayramova və Pentensiar xidmətin rəis müavini Hüseynağa Əlixanov iştirak edib. 

Belə olan təqdirdə ortaya maraqlı sual çıxır: Görəsən, ölkənin ombudsmanı nəyə görə özü öz təşəbbüsü ilə deyil, müğənni Ruhinin təşəbbüsü ilə məhkumlarla görüşür? Və yaxud müğənni nəyə görə başqalarının əməyini öz adına çıxarır?

Başqa bir sual isə budur ki, əgər həqiqətən də bu görüş Ruhinin təşəbbüsü ilə keçirilibsə, necə olub ki, Penitensiar Xidmət onun sorğusuna müsbət cavab verib? Ya da ombudsmanı qonaq kimi kim həmin tədbirə dəvət edib? 

Məsələylə bağlı kiçik araşdırma apardıq və məlum oldu ki, istər Elmira Süleymanova, istərsə də Xalidə Bayramova məhkumlarla mütəmadi olaraq görüşür və əlamətdar günlərdə onların yanında olur.

Sadəcə Ruhi şou jurnalistləri ilə yaxınlığından istifadə edərək bu görüşü öz adına çıxarmaq istəyib.

Əslində isə bu tədbirin əsl təşkilatçısı 4 saylı cəzaçəkmə müəssisəsində Ədliyyə Nazirliyinin Penitensiar Xidməti və nazirliyin Himayəçilik Şurasının birgə təşkilatçılığı ilə baş tutab. Penitensiar Xidmətin rəsmi saytında da müğənni Ruhinin adı yazılmayıb.

Son olaraq qeyd edək ki, Azərbaycan qadınının sosial fəallığının yüksəlməsində, beynəlxalq aləmdə ölkəmizi layiqincə təmsil etməsində xeyirxah, nəcib əməlləri yaşadan Heydər Əliyev Fondunun fəaliyyəti və fonda rəhbərlik edən, ölkənin ictimai həyatında xüsusi fəaliyyəti ilə seçilən, YUNESKO və İSESKO-nun xoşməramlı səfiri adlarını ləyaqətlə daşıyan xanım Mehriban Əliyevanın adı ilə bağlıdır. 

Azərbaycanda bütün vətəndaşların ən böyük himəyadarı və qoruyucusu Azərbaycan Dövləti və Cənab Prezident İlham Əliyevdir. Bu cür kiçik təşəbbüslərlə dövlətə və dövlətin vətəndaşlara olan qayğısına göz salmaq mümkün deyil.