İlhamə Bədəlovadan Rahidəyə “Qurdlarını” ayağımla əzərəm

Maqazin

17:11 03.06.2018

“Maşın” realiti şousunun dünənki buraxılışında müğənni Rahidə Baxışova ilə aparıcı İlhamə Bədəlova arasında qalmaqal yaşanıb.

Oxu.Az xəbər verir ki, iştirakçılar söz savaşına çıxıblar. Buna səbəb İlhamənin Rahidə Baxışovaya şounun ikinci günündə “Sən niyə mənim kimi şəkil çəkdirirsən?” deməsi olub. İlhamənin ona dediyini iştirakçılarla bölüşməsi isə qarşı tərəfin xoşuna gəlməyib:

“Ağlıma gəlməzdi ki, kimsə mənə desin, niyə mənim kimi dayanıb şəkil çəkdirdin. Şoka düşdüm. Xanımlardan biri deyir bunu. Bizim zarafatımız olmayıb. Ağlıma gəlməzdi bu şeylə rastlaşdım”.

İlhamə isə sözü zarafatla dediyini bildirib və qarşı tərəfi tənqid edib:

“Nə mənası var? Sən nə məntiqsiz insansan? Sənin haqqında danışmamışam, hədəfim də olmamısan. Amma birincisən bundan sonra, özünü qoru. “Qurdlarını” tökmə. Səni tanımıram, tanımaq da istəmirəm. Adım çəkiləndə “qurdlarını” tökmə. Onları bir-bir ayağımla əzərəm. Özünlə məni bir pilləyə qoyma, ola bilməzsən. Həddini aşma”.