Müğənni Rahidə Baxışova “Kül oldum” adlı mahnısını təqdim edib.
Mynews.az-ın məlumatına görə, bəstənin söz və musiqisi Zülfi Bədəlov, aranjimanı Elvin Musayevə məxsusdur.
Uzun müddət sənətdən ayrı qalan R.Baxışova bəstəkar dostlarının ona dəstək olduğunu deyib: “Heç kimə sirr deyil ki, uzun illər sənətdən ayrı düşmüşdüm. Yenidən sənətə qayıtdığım zaman bir çox bəstəkar dostlarım yeni mahnılar təklif etdilər. Onlardan birini də bu gün dinləyicilərin ixtiyarına verirəm. Düşünürəm ki, 2017-ci ildə təqdim etdiyim ilk mahnı mənə düşərli olacaq. Məhz bu bəstə üçün fotosessiya da etdirdim. Hər zaman qalmaqaldan, söz-söhbətdən uzaq olmuşam. Bundan sonra da belə olacaq. Bu il mənim ilim olacaq. Çünki maraqlı bir layihə üzərində işləyirəm”.
