“Maşın” şouda iştirakçılardan birinin qayda pozuntusuna yol verib-verməməsi sual doğurub.
Mynews.az Minval.info-ya istinadən xəbər verir ki, efirdə müğənni Roza Zərgərlinin əllərini maşının üzərindən çəkdiyi gözə dəyib. O, aparıcı Aytən Səfərova ilə mübahisə edərkən emosialara qapıldığı və səhvə yol verdiyi nəzərə çarpıb.
Lakin kadrlara diqqətlə baxdıqda səsvermədə iştirak edən aktyor Cavidan Novruzun əli ilə birgə onun əli havaya qalxıb. Bu üzdən onun qayda pozması barədə fikirlərin yanlış olduğu müəyyən edilib.
Buna sübut kimi onların qollarındakı saatları göstərmək olar.
Qeyd edək ki, iki iştirakçı bilmədən maşın uğrunda mübarizəni yarıda qoyub.
