"Sevdiyim qadın zaldaydı, hətta kulisə də gəlmişdi" Faiq Ağayevdən etiraf

Xalq artisti Faiq Ağayev sevdiyi xanımı ötən il baş tutan solo konsertində hər kəsə tanıdacağını desə də, vədinə əməl etmədi. 

BiG.AZ xəbər verir ki, müğənni “ATV maqazin onlarla” verilişinin məsələ ilə bağlı suallarını cavablandırıb.

F.Ağayev “Bəs, sevgilinizi niyə tamaşaçılara təqdim etmədiniz” sualına belə cavab verib: 

“Sevdiyim qadın zaldaydı, hətta kulisə də gəlmişdi. Mən demədim göstərəcəm. Dedim ki, orada olacaq. İnsanlar mənim baxışlarımı izləsəydi mahnıları oxuyarkən hansı tərəfə baxdığımı tutardılar".