ATV-də yayımlanan "Bizimləsən" verilişində əməkdar artist Tünzalə Əliyevanın mənzil kreditinin toplanması üçün başlanan yardım aksiyası bir çoxlarının qınaq obyektinə çevrilib.
Mynews.az xəbər verir ki, proqrama qonaq olan xalq artisti Mələkxanım Əyyubova aktrisanı qınayanlara qarşı çıxıb. O, üzünü həmin insanlara tutaraq belə deyib:
"Biz də sığortalanmamışıq. Biz də xəstələnirik, ailəmiz xəstələnir. İnsanlığı niyə qınayırsız? Əgər bu gün mən istəyirəmsə, yardım edim, kiminsə əlindən tutum, sən eləmirsənsə, bəs, niyə qınayırsan? Heç kimi o səviyyəsinə görə cavab vermirik. Qoy, hər şeyi Allah danışsın. Allah böyükdür. Allah köməyi olsun".
