"O vaxtlar kimsə-kiminsə arxasınca danışanda evində edirdi. İndi şou-biznesdəkilər dava edir, mafiya yaradırlar. Müğənni mafiyası yaranıb".
Mynews.az axşam.az-a istinadən bildirir ki, bu sözləri əməkdar artist Teymur Əmrah "Zaurla Günaydın" verilişində deyib. Müğənni şou-biznesdən danışıb və qalmaqallardan şikayət edib:
"İndi bu hal xanəndələrdə də başlayıb. Mafiya yaradırlar. Bir-birinizi çox istəyin. Nə qədər bunu etsəniz də, hər kəs oxuya bildiyi yerə qədərdir. O, ona, bu buna paxıllıq edir. Mafiya yaradıb, insanları bir-biri ilə düşmən edir".
