Xalq artisti Flora Kərimova "Musiqi ifaçıları və ədəbi dil normalarının gözlənilməsi" mövzusunda keçirilən konfransa qatılıb.
Mynews.az-ın məlumatına görə, müğənni sənət adamlarının davranışlarından, efirdəki çıxışlarından bəhs edib. F.Kərimova bildirib ki, mahnılarda bir çox dil qüsurlarına yol verilir:
"Əvvəl komisiya var idi, efirə çıxan hamını yoxlayır, danışıq tərzinə fikir verirdi. Səhvlər olanda düzəldilirdi. İndi belə bir hal nyoxdur. Hər şey reytinq və puldan ibarətdir. Alacaqları qonorar, pul, çıxışlarının reytinq toplaması sənətin önünə keçib".
