Müğənni Mətanət Əsədova son vaxtlar ağır günlər keçirdiyini deyib.
Mynews.az-ın məlumatına görə, "Bizimləsən" proqramına gələn ifaçı bildirib ki, sənətdən getmək istəyir. Əsədova onu öldürmək istədiklərini söyləyib:
"Oxumağım mənə düşmən oldu. Məni öldürmək istədilər. Zəhər verdilər, 6 ay səsim batdı. Yeməyimə qatdılar. Kim etdi bildim, amma o, bilmir mən bilirəm. Mənən məni gündə öldürürlər. İndi özümə deyirəm ki, niyə ata-ananın yiyələndirdiyi sənətə getmədim? İstəmirəm bu sənəti. Dözə bilmirəm təpkilərə. Bir işim var, Allah yolumu açsın, sonuncu çıxışımı edib gedəcəm. İmkan vermədilər bu səsi nümayiş etdirim.
İnsanla bu qədər oynamazlar, dözə bilmirəm. Anamın ürəyi partladı öldü. İndi mən də o vəziyyətdəyəm. Bəstəkara deyirəm içimdəkiləri yaz, oxuyum gedim. Məndən yazdılar, verilişlərdə istifadə etdilər. Bir damcı da olsa, xoşbəxt deyiləm. Göründüyüm kimi deyiləm. Hamı mənə kişi kimi baxdı. Özümü qorumaq üçün bu cür oldum. Ürəyim parça-parça oldu, kimin yanında söz dedim gedib başqa cür danışdılar.
Bacım öləndən sonra jurnalistlər, verilişlər məni tanıdı. Səsim var idi axı, ondan əvvəl niyə mənə zəng etmirdiniz?".
Qeyd edək ki, Mətanətin bir müddət əvvəl içki içərkən videosu yayılmışdı. Sənətçi günlərdə sosial şəbəkədə müzakirə obyektivinə çevrilib.
