Müğənni Gülben Ergen haqqında çıxan xəbərlərə sosial media üzərindən üsyan edib.
Mynews.az axşam.az-a istinadən bildirir ki, o, mediada sürücüsü ilə fotolarının yayılması və aralarında sevgi olduğunun iddia edilməsinə sərt reaksiya verib.
Xəbərdə Gülbenin sürücüsünü yanından ayırmadığını, tez-tez evlərinə gedib-gəldiyi, hətta İnstaqramda səmimi fotolar paylaşdığı yer alıb.
G.Ergen Tvitterdə xəbərə münasibət bildirib:
"Sizə ayıb olsun, boşandım deyə, aylardır yanıma yaraşdırmadığınız adam qalmadı. Qardaş dediyim, oğullarımın mənəvi böyük qardaşı kimi gördüyümüz, uşaqlarımın atasının yaxın qohumu olan birini mənə yazmağınız lap ağ oldu".
