Britni Spirs yenə boşandı

Maqazin

13:37 03.12.2024

Los-Anceles məhkəməsi müğənni Britni Spirs ilə Sem Əsgəri arasında boşanma prosesini dekabrın 2-də, sənətçinin 43-cü doğum günündə başa çatdırıb. Bu barədə Mynews.az məlumat yayıb.

Məşhurun ​​boşanması yeddi ay davam edib. Cütlük 2023-cü ilin iyul ayının sonunda, toylarından 13 ay sonra ayrılıb. Onların səs-küylü şənliyində Paris Hilton və Selena Qomez iştirak edib.

Boşanmanın rəsmi səbəbi “barışmaz fikir ayrılıqları” olub. Əsgərinin yaxınları iddia edirdilər ki, kişi xəyanətlərdən, dava-dalaşdan bezib. Son münaqişə zamanı Spirs balta ilə sevgilisini təqib etdiyini söyləyib. Əsgəri ilə evliliyi müğənninin üçüncü evliliyi olub. 2004-cü ildə jurnalist Jason Alexander ilə evləndi, lakin onlar cəmi 55 saat evli qalıblar. Müğənninin ikinci əri rəqqasə Kevin Federlayn olub: 2004-cü ildə evlənib, 2007-ci ildə boşanıblar. Onların iki oğlu var: 19 yaşlı Şon Preston və 18 yaşlı Ceyden Ceyms.

Məhkəmədən sonra Britni Spirs şəxsi təyyarəsi ilə Meksikaya gedib. “People” mənbəsi bildirib ki, Spirs “əyləncəli tətil” üçün xaricə uçmağı səbirsizliklə gözləyir. O, ad gününü dostları ilə “günəş altında” qeyd etməyi planlaşdırır.