4 il əvvəl döş xərçəngi diaqnozu qoyulan türkiyəli sevilən aktrisa Canan Ergüder xəstəlik prosesindən danışıb.
Mynews.az Türkiyə mətbuatına istinadən xəbər verir ki, xərçəng xəstəliyinə tutulduğunu serial çəkilişlərində öyrəndiyini deyən aktrisa komanda yoldaşlarının dəstəyi sayəsində özünü daha yaxşı hiss etdiyini bildirib.
"Mənim çox yaxşı dostlarım var. Çünki həyatımın ən ağır xəbərlərindən biri xərçəng xəbəri idi və o xəbəri serial çəkilişlərində 80 nəfərin gözü qarşısında aldım. Həmin 80 nəfər bir araya gəlib məni ayaqda saxladı. Onlar böyük dəstək oldular".
Canan Ergüder xəstəliyin həyatına gətirdiyi dəyişiklikləri belə izah edib:
"Mən çox yük götürə bilən insanam. Amma indi özüm üçün daha çox şey edirəm. Məsələn, mən idmanla məşğul olmalıyam. Bəzən yaddaşım gedir, beynimdə duman olduğunu hiss edirəm. Buna görə bədənimi formada saxlamaq üçün əlavə səy göstərməliyəm. Mən ipi buraxdığım an geriləmə başlayır. Uşağım üçün narahatam. Onu necə gələcək gözlədiyini bilmirəm. Bütün çətinliklərə baxmayaraq, onu yaxşı insan kimi yetişdirmək həqiqətən çətindir. İlk növbədə ona özünü tamamilə qorumağı öyrətmək lazımdır. Yazıq uşağım 3 yaşından nə görüb? xərçəng xəstəsi ana, pandemiya və zəlzələ..."
