Məşhur aparıcı birdəfəlik Azərbaycana köçür

Maqazin

12:19 30.04.2025

Ailə qurduqdan sonra Türkiyədə yaşamağa başlayan ANS-in keçmiş aparıcısı Gülnarə Məmmədova birdəfəlik Azərbaycana köçür.

Mynews.az xəbər verir ki, bu haqda o, qonaq olduğu "Bir gün” verilişində bildirib.

Aparıcı illər öncə televiziyadan yorularaq uzaqlaşmaq qərarı aldığını deyib:

"Mən ailə qurub Türkiyəyə köçməmişdim. Əksinə, ora köçdüm və daha sonra orada ailə qurdum. Televiziyadan yorulduğum üçün belə bir qərar almışdım. Hər gün, fasiləsiz işlədyim üçün çox yorulmuşdum. Amma indi televiziyaya geri qayıtmağı çox istəyirəm. Heç kimi pisləmək istəmirəm amma indi televiziyalarda çox şeylər dəyişib. O zaman verilişlərimiz daha çox maarifləndirici idi. İndi də yaxşı bir layihə ilə tamaşaçılarımın qarşısına çıxmağı çox istəyərəm. Ailəm buna mane olmur, ikisi bir arada əlbətdə ki, davam edə bilər. Hər dəfə Azərbaycana gələndə çox şeylər yazılır. Bundan şübhələnmək lazım deyil, çünki, mənim evim, ailəm, anam buradadır. Yoldaşım da buranı çox sevir və biz Azərbaycanda yaşamaq istəyirik".