Müğənni Rəqsanə həbs olundu – görün nə edibmiş / VİDEO

Maqazin

21:20 17.08.2025

Müğənni Rəqsanə İsmayılova dələduzluq etdiyinə görə həbs edilib.

Mynews.az xəbər verir ki, Sabunçu rayonunda polis əməkdaşlarının vətəndaşlardan daxil olan şikayətlər əsasında həyata keçirdikləri tədbirlər nəticəsində dələduzluq etməkdə təqsirli bilinən 1979-cu il təvəllüdlü İsmayılova Rəqsanə İsmayıl qızı saxlanılıb.

Araşdırmalarla müəyyən edilib ki, o, iki nəfər zərərçəkən şəxsin ümumilikdə 35.000 manat dəyərində qızıl-zinət əşyalarını və 520.000 ABŞ dolları məbləğində pulunu dələduzluqla ələ keçirib.

Qeyd edilən faktlarla bağlı Sabunçu Rayon Polis İdarəsində Cinayət Məcəlləsinin xüsusilə külli miqdarda ziyan vurmaqla dələduzluq etmə maddəsi ilə cinayət işi başlanılıb və R.İsmayılova təqsirləndirilən qismində saxlanılaraq istintaqa cəlb olunub. Onun barəsində məhkəmənin qərarı ilə 4 ay müddətində həbs qətimkan tədbiri seçilib.

DİN-in Mətbuat Xidmətindən məlumatı təsdiqləyiblər.

Qeyd edək ki, Rəqsanə İsmayılova vaxtaşırı qalmaqalla gündəmə gəlir. O bir neçə dəfə qanunsuz hərəkətlərə görə inzibati şəkildə cərimələnib və ya saxlanılıb.