Yunanıstan müxalifətindən çağırış - "Eurovision"dan çıxın

Maqazin

15:47 11.12.2025

Yunanıstandakı müxalifət partiyalarından biri olan Radikal Sol Alyansı (SYRIZA), İsrailin iştirakına etiraz olaraq Yunanıstanın 2026-cı il "Avroviziya" mahnı müsabiqəsindən çıxmasını tələb edib.

Mynews.az xarici mətbuata istinadən xəbər verir ki,  İrlandiya, İspaniya, Hollandiya və Sloveniya kimi Avropa ölkələri İsrailin iştirakına etiraz olaraq 2026-cı il Avroviziya Mahnı Müsabiqəsindən çıxıb, (Yunanıstanın Baş naziri Kiriakos) Mitsotakis hökuməti isə belə bir qərar verməkdən imtina edib.

Bəyanatda Fələstin xalqına və onların əzablarına minimum hörmətin Yunanıstanın İsrailin yarışmada iştirakına yol açan Avropa Yayım Birliyinin qərarından uzaqlaşmasını zəruri etdiyi vurğulanıb və Yunanıstanın dövlət televiziya kanalı ERT-in tədbirdən çıxmasına çağırılıb.

Qeyd edək ki, EBU Baş Assambleyasının İsrailin 2026-cı ildə keçiriləcək Avroviziya Mahnı Müsabiqəsində səsverməyə çıxarılmadan iştirakına icazə verməsi qərarından sonra İspaniya, Hollandiya, Sloveniya, İrlandiya, İslandiya və Belçikanın dövlət televiziya kanalları qərara etiraz edərək Avroviziyadan çıxmaq qərarına gəldilər.