Rusiyanın xalq artisti Valeriy Meladze "Veçerni Urqant" verilişinin qonağı olub.
Mynews.az İstipress-ə istinadən xəbər verir ki, verilişdə qonaq olan ifaçı ilk dəfə olaraq 13 yaşlı oğlu Konstantin haqda danışıb. O, oğlu ilə fəxr etdiyini bildirib və onun özünə oxşadığını bildirib. O, oğlunun texnika ilə maraqlandığını əlavə edib:
"Kostya, boyda artıq məni keçib. Baxmayaraq ki, cəmi 13 yaşı var. Texnika ilə maraqlanır, mühəndis kimi düşünür. Mexanika, elektronika ilə bağlı hər şey ilə maraqlanır".
Qeyd edək ki, Konstantin xalq artistinin "VİA Qra" qrupunun eks solisti Albina Canabayevadan qeyri-qanuni olan oğludur. 51 yaşlı müğənninin A. Canabayevadan 2 oğlu var.
İrina Meladze ilə ilk evliliyindən isə sənətçinin 3 qızı var.
