"Özcan Deniz, ermənilər sənə azərbaycanlılar qədər hörmət edib çörək verib?" Səidə OD PÜSKÜRDÜ

Xəbər verdiyimiz kimi, ötən gün türkiyəli müğənni Özcan Deniz sosial şəbəkədə erməni mahnısını yayımlayıb.

Mynews.az xəbər verir ki, yerli məşhurlar Tarix Əliyev və rejissor Kənan M.M.-dən sonra müğənni Səidə Sultan da məsələyə biganə qalmayıb: 

"Özcan Deniz, görəsən sizi erməni tayfası öz dövlətinə çağırıb azərbaycanlılar qədər sənətinə hörmət edib, çörək verib?! Əlbəttə ki, yox. Kimə nə edirsə elə həmişə özününkü edir. Sən də elələrindənsən. Çox heyf, bu səhvi etməməli idin. Ən azından bu addımı atanda fikirləşməli idin. Bizim sənə olan sevgimizi fikirləşməli idin. Sənətçisənsə Azərbaycan xalqının musiqisini araşdır, gör hardan bəhrənir bədxah ermənilər".