Mynews.az bildirir ki, Xəzər televiziyasınını aparıcısı Çiçək Yeniçağ.az-a özü ilə bağlı maraqlı açıqlamalar verib.
Heç vaxt bahalı geyimlərə üstünlük vermədiyini deyən aparıcı ən ucuz paltarının da qiymətini deyib:
"Mənim üçün qarderob çox önəmlidir, amma deyim ki, ən bahalı geyimləri alıram, yalan olar. Hətta bazardan da paltar alıb geyinə bilərəm. 2 manatlıq da nəsə ala bilərəm, 5 manatlıq da... Çox bahalı geyimlərə pul xərcləmirəm. Onu da deyim ki, geyimlərimi anamın zövqü ilə seçirəm. Ümumiyyətlə, zövq məsələsində yalnız anamla məsləhətləşirəm".
Çiçək ikiüzlü insanlardan həmişə qaçdığını deyib:
"Üzümə gülüb, arxamca danışan insanları sevmirəm. Məni sevmirsə, üzümə desin ki, səni sevmirəm. Belələri ilə yalnız "salam-sağ ol" edirəm. Dürüst insanam və ikiüzlülüklə qarşılaşsam, belə insanlarla münasibəti bitirə bilərəm".
