Bakı Nəqliyyat Agentliyi yol hərəkəti təhlükəsizliyinə dair hazırladığı növbəti maarifləndirici videoçarxı təqdim edib.
Mynews.az Qafqazinfo.az-a istinadən xəbər verir ki, videoçarx bu günlərdə dünyanın bir çox ölkəsində, o cümlədən də Azərbaycanda nümayiş olunan “Forsaj” filmi ilə əlaqədar çəkilib.
Kinoteatrlarda filmdən əvvəl nümayiş etdirilən görüntülərdə tamaşaçılara, xüsusən də gənclərə film qəhrəmanlarının avtomobillə etdiyi təhlükəli manevrləri təkrarlamamaq və yüksək sürətdən yayınmaq tövsiyə edilir.
“Unutmayın ki, həyat film deyil, reallıqdır” şüarı ilə çəkilən layihədə xalq yazıçısı Çingiz Abdullayev, millət vəkili Qənirə Paşayeva, aktyor Cabir İmanov, müğənni Azad Şabanov və başqaları iştirak edib.
