Məşhur amerkialı reper və hip-hop ifaçısı Niki Minaj "No Fradus" mahnısına çəkdirdiyi klipi təqdim edib.
Mynews.az TMZ-yə istindən bildirir ki, 34 yaşlı Niki Minaj mahnını kanadalı reper Dreyk və amerikalı Lil Ueynlə ifa edib.
Klipin bir neçə səhnəsi Londondakı Vestminster körpüsündə çəkilib. N.Minaj həmin səhnələrdə açıq-saçıq geyimdədir. Çəkilişlər körpüdəki teraktdan cəmi bir gün əvvəl, martın 21-də aparılıb.
Bu səhnələr Britaniyada kəskin narazılıqla qarşılandığından N.Minaj onların klipin yekun variantında yer almayacağını demişdi.
Lakin səhnələr arasında sadəcə, biri götürülüb.
Xatırladaq ki, martın 22-də Xalid Məsud adlı şəxs Vestminster körpüsündə maşını ilə piyadaları vurub əzəndən sonra Britaniya parlamentinin binasının qarşısında polisi bıçaqlayıb. Teraktda 4 nəfər həlak olub, 50 nəfər yaralanıb.
"No Fradus" mahnısı amerikalı reper Remi Maya cavabdır. Mahnı söyüşlərlə, təhqirlərlə zəngindir.
Remi Ma 2007-ci ilin iyulun 12-də mübahisə zamanı Makiad Barns-Cozefi 1000 dolları oğurlamaqda suçlayaraq ona atəş açmışdı.
2008-ci ilin martın 27-də Remi Ma 8 il müddətinə azadlıqdan məhrum edilmişdi. Qadın reper 2014-cü ilin avqustun 1-də azadlığa çıxmışdı.
Remi Ma "Another One" və "Shether" mahnılarını yazaraq Niki Minajı təhqir etmişdi.
