ABŞ-ın Kaliforniya ştatında çimərliyin üzərində yaranan nəhəng bulud axınının göyüzünü örtməsi insanlara qorxulu anlar yaşadıb.
Mnews.az-ın Türkiyə mediasından əldə etdiyi xəbərə görə, internetdə paylaşılan videoda göyüzünün anidən qaraldığı, güclü küləyin əsdiyi və filmlərdə təsvir olunan “qiyamət”i xatırladan nəhəng bir buludun çimərliyin üzərini örtdüyü görünür.
Videonu paylaşan şəxs bunları qeyd edib: “Çətirlər uçub getdi, hər yer qumla örtüldü, insanlar çimərliyi tərk etmək üçün qaçmağa başladı. Qorxunc bulud bir neçə dəqiqə ərzində üzərimizdən keçərək getdi və yenidən günəş çıxdı”.
Bəzi internet istifadəçiləri hadisə ilə bağlı bəzi şərhlər verməyə başlayıb. Onların dediklərinə görə, çimərliyin üzərindən keçən nəhəng buludların arasında yaplanetlilər gizlənib. Başqa biriləri bunu dünyanın sonu kimi qələmə verib.
