Son zamanlar 400 min manatlıq toy etdiyi iddia olunan Bakı Lift İdarəsinin rəisi Qüdrət Şükürovun qızı Aysel Şükürova sosial şəbəkədə onu tənqid edənlərə cavab verib.
Aysel Şükürova "Facebook" səhifəsində bunları qeyd edib:
«Deyirəm danışmayım amma danışmağa məcbur edirlər! Mənim daşım nə ağır imiş? Min dəfə demişəm ki, məni bu tip qruplara atmayın! İşləri gücləri yoxdur, ancaq onu bunu müzakirə edirlər! Qeybət qıran insanlara nifrət etmişem! Mən heç vaxt göylə getməmişəm! Yəqin bunlar mənim normal yerişimin aşağısında olan insanlardır. Gedin xeyirxah işlərlə məşqul olun! Axrıncı dəfə uşaqlar, qocalar evinə nə vaxt getmisiz?! Mən keçən həftə! Nə vaxt onlara bazarlıq etmisiz?! Nə vaxt onlarla sohbət elemisiz?! Nə vaxt onlara yemək bişirmisiz?! Siz nə elemisiz bes? Ne vaxt kiməsə el tutmusuz? Mən dünən, bu gün, sabah, hemişə yenədə edirəm! Heç vaxt elediklərimi deməyi sevməmişəm! Amma bəziləri məcbur edirlər! Belə işlərlərə məşqul olun! Adam olun adam!».
Qeyd edək ki, yanvarın 21-də "Böyük Saray” da baş tutun toy mərasimində Qüdrət Şükürovun qızı Aysel Şükürova Oktay adlı şəxslə nikah masasına oturub. Ötən gün isə cütlük barədə 400 min dollarlıq toy iddiası ölkə mediasının gündəmini zəbt edib. Qüdrət Şükürovun qızına etdiyi toy mərasiminin 400 min dollara başa gəlməsi, bu dəbdəbəli toy mərasiminin şəkillərinin, videolarının paylaşılmasından sonra toy sosial şəbəkələrdə geniş müzakirə olunub. Daha sonra keçmiş həyat yoldaşı Aysel Şükürova və onun atası Bakı Lift İdarəsinin baş direktoru Qüdrət Şükürov barədə qalmaqallı açıqlama verib. O bildirib ki, Qüdrət Şükürov büdcədən pul mənimsəmək üçün dəstə toplayıb lift oğurlayır. Ailə isə bütün iddiaları rədd edir. Ötən gün onun atasının işdən çıxarıldığı barədə məlumatlar yayılıb.
