“Neqodnı”lərə pis xəbər: Yenidən sağlamlıqları yoxlanılacaq
![](https://img.mynews.az/news/2017/05/photo_10500.jpg)
Səfərbərlik və Hərbi Xidmətə Çağırış üzrə Dövlət Xidmətləri və həkim komissiyaları tərəfindən xəstəlik adı ilə xidmətə yararsız hesab olunaraq hərbi bilet alanlarla bağlı sərt ölçü götürülüb.
Bununla bağlı artıq nazirlikdə xüsusi komissiya yaradılıb. Bildirilir ki, “xidmətə yararsız” adı ilə hərbi bilet alan gənclərin sağlamlığı yenidən yoxlanılacaq və onlara həmin biletləri verən aidiyyəti qurumlarda araşdırmalar aparılacaq. Qanun pozuntusuna yol verən şəxslər isə ciddi şəkildə cəzalandırılacaqlar.
Mynews.az -ın məlumatına görə, hərbi jurnalist Ramil Məmmədli Metbuat.az-a açıqlamasında bu cür halların aşkarlandığı şəxslərin cərimələnməsini təklif edib.
Onun sözlərinə görə, baş verən neqativ halların araşdırılması çox düzgün qərardır:
“Həqiqi hərbi xidmətə çağırışla bağlı qaydalardan biri də tibbi müayinədir. Tibbi müayinə hərbi xidmətə çağırılan şəxsin həkim müayinəsindən keçməsidir. Səfərbərlik Xidməti çağırışçılarının həqiqi hərbi xidmətə çağırışını tənzimləyən, onu həyata keçirən bir qurumdur. Bu qurumun daxilində tibbi komissiya var. Tibbi komissiya çağırışçıların sağlamlığı ilə bağlı vəziyyəti araşdırır, qərar verir, sonra isə həmin şəxs həqiqi hərbi xidmətə gedir. Əvvəllər sağlamlığı yerində olan, lakin səhhətində hər hansı bir problemi olduğu göstərilən şəxslərə saxta sənədlər hazırlanırdı. Komissiyalar bu cür qeyri-qanuni qərarlar verirdi. Lakin Səfərbərlik Xidməti yaranandan sonra bu problemlər həllini tapdı. Artıq hərbi xidmətə çağırış prosesi şəffaf şəkildə həyata keçirilir.
Əlbəttə, bəzi şəxslərin həqiqətən də sağlamlığında problem olduğuna görə, onlara möhlət hüququ verilib. Amma Səfərbərlik Xidməti yaranana qədər baş verən neqativ halların araşdırılması çox düzgün qərardır. Hesab edirəm ki, Müdafiə Nazirliyi və Səfərbərlik Xidməti bu məsələdə birgə fəaliyyət göstərir. Bu gün sağlamlıqları yerində olmasına baxmayaraq, hərbi xidmətdən yayınan vətəndaşlarımız var. Hətta yaşı 40-45-ə çatan belə şəxslər çoxdur. Mənim isə təklifim ondan ibarətdir ki, həmin şəxslər cərimə olunsunlar”.
Cəmiyyət
- Qarabağa getmək istəyənlərin nəzərinə! - Sabah saat 11:00-da...
- Ramil Səfərovun xanımı deputatlığa namizəd olur
- Xalq artisti oğlunu əsgərliyə yola saldı - Təzə evlənmişdi... - FOTO
- Azərbaycanda qadınların pensiya yaşı ARTIRILDI
- Avtobuslardakı qəza çəkiclərini kim oğurlayır? - AÇIQLAMA
- Sabahdan Aİ 95 ucuzlaşır
Sizin üçün seçdik
İndi oxunanlar
Həftənin hitləri
- "Qalatasaray" azarkeşlərindən Vanda Naraya sərt reaksiya - "Biz Mauroya layiqli birini tapacağıq" 1009 dəfə oxunub
- Qarabağa getmək istəyənlərin nəzərinə! - Sabah saat 11:00-da... 1004 dəfə oxunub
- “Nar” Milli Mətbuat Günü münasibətilə media nümayəndələrini bir araya toplayıb - FOTOLAR 1003 dəfə oxunub
- Paşinyan Azərbaycana gələcəkmi? - Qərarını bu tarixdə açıqlayacaq 976 dəfə oxunub
- Ağadadaş Ağayev "Xalq artisti" adından məhrum edilə bilər? 969 dəfə oxunub