Mayın 7-də Azərbaycanın tanımış kimyaçı alimi, Azərbaycan Milli Elmlər Akademiyasının həqiqi üzvü, kimya elmləri doktoru, professor, Əməkdar Elm Xadimi Rəfiqə Əliyeva ilə vida mərasimi keçirilib.
Mynews.az xəbər verir ki, prezident İlham Əliyev və birinci xanım Mehriban Əliyeva mərasimdə iştirak ediblər.
Milli Elmlər Akademiyasının dairəvi zalında keçirilən vida mərasimində Azərbaycan prezidenti İlham Əliyevlə yanaşı, ailə üzvləri, mərhumun ailə üzvləri, Milli Məclisin sədri Oqtay Əsədov, Prezident Administrasiyasının rəhbəri Ramiz Mehdiyev, Naxçıvan Muxtar Respublikası Ali Məclisinin sədri Vasif Talıbov, nazirlər, millət vəkilləri, alimlər, ictimaiyyət nümayəndələri və digər şəxslər iştirak ediblər (AzərTAC).
