Təzəpir məscidinin axundu Hacı Faiz Nağızadə bir neçə gün əvvəl Dini Qurumlarla İş üzrə Dövlət Komitəsinin keçmiş sədri Rafiq Əliyevin “Hacı pivəsi” brendi yoxdur, bütün pivələrin tərkibində spirt var” fikirlərinə dəstək verib.
Mynews.az-ın məlumatına görə, axund modern.az-a açıqlamasında “Hacı pivəsi”nin haram olduğunu bildirib:
“Pivə haramdırsa, onun adı olan hər şey haramdır. Spirt yoxdursa, onda niyə adına pivə deyirlər? Bu gün-sabah “Hacı arağı” da istehsal etsələr, onu da içəcəklər? Öz nəfslərinə hakim ola bilməyən şəxslər bununla insanları harama sövq edirlər”.
