“Mənzilə ehtiyacı olan jurnalistlər üçün dövlət tərəfindən 3-cü bina da tikiləcək”.
Mynews.az-ın məlumatına görə, bunu Kütləvi İnformasiya Vasitələrinin İnkişafına Dövlət Dəstəyi Fondunun icraçı direktoru Vüqar Səfərli “Kaspi” qəzetinin redaksiyasında keçirilən iclasda deyib.
Xatırladaq ki, bundan öncə Mətbuat Şurasının sədri Əflatun Amaşov da jurnalistlər üçün 3-cü binanın tikiləcəyi anonsunu vermişdi.
Jurnalistlərin Bakının Bibiheybət yaşayış sahəsindəki 156 mənzildən ibarət ilk binası 2013-cü ildə istifadəyə verilib. 256 mənzildən ibarət ikinci bina bu il 22 iyul – Mətbuat günündə sahiblərinə veriləcək.
