Psixoloq: “Sevgi və diqqət stresə qarşı ən gözəl vasitədir” AÇIQLAMA

“Stress insanda psixo-fizioloji dəyişimdir və bu, birbaşa orqanizmə zərər vurur. Onunla mübarizə isə individualdır”.

Mynews.az xəbər verir ki bunu SİA-ya açıqlamasında Ümumrusiya Peşəkar Psixoterapevtler Liqasının üzvü, psixoloq Elnarə Eminova deyib.

Onun sözlərinə görə, stresə qarşı istifadə edilən preparatlar və digər süni vasitələr orqanizmdə fəsadlar törədə bilər: “Gündəlik həyatımızda stress və gərginlik qaçılmaz haldır. Gərgin günün sonunda istər-istəməz hər kəsdə stressyaranır. Ona görə, hər kəs stresə qarşı sağlam həyat tərzi keçirməlidir. Hansısa pereparatlar və ya əldə oyuncaq kimi istifadə edilən süni vasitələr insanlarda asılılıq yarada bilər. Belə preparatlar birbaşa həkim nəzarəti ilə yazılmalıdır. Əks halda fəsadlar qaçılmazdır. Bu üsullar qeyri-sağlam yoldur. Belə olanda zaman keçdikcə daha ciddi psixoloji xətəliklər yarana bilər. Onların əvəzinə insanlar normal qidalanmalı, təmiz havada çox olmalı, idmana üstünlük verməli, yaxınları, sevdikləri ilə daim təmasda olmalıdır. Sağlam yolla stresdən uzaq olmaq daha məsləhətlidir. Sevgi və diqqət stresə qarşı ən gözəl vasitədir. Stresdən qurtulmaq üçün psixoloqa da müraciət etmək məsləhətdir”.