Qətl törədib 15 il yatdı, çıxıb ona çörək verəni öldürdü 19 İL HƏBS

Cəmiyyət

15:09 14.06.2017

Usta işlədiyi ev sahibini öldürməkdə təqsirləndirilən Eldar Babayevin cinayət işi üzrə məhkəmə prosesi başa çatıb.

Mynews.az Lent.az-a istinadən verdiyi məlumatına görə,  Bakı Ağır Cinayətlər Məhkəməsində keçirilən prosesdə təqsirləndirilən şəxs son sözlə çıxış edib. O, əməlindən peşman olduğunu bildirib və yüngül cəza verilməsini istəyib.

Hakimlər kollegiyası hökmü ilə Eldar Babayev  19 il müddətinə azadlıqdan məhrum edilib.

Xatırladaq ki, prokuror ötən proses çıxış edərək 19 il 6 ay müddətə azadlıqdan məhrum edilməsini istəmişdi.

Qeyd edək ki, bu il yanvarın 21-də Xətai rayonu ərazisində yaşayan Vüqar Qasımovun evində təmir işləri aparan Bakı şəhər sakini, əvvəllər məhkum olunmuş Eldar Babayev münaqişə zəminində ev sahibini bıçaqla qətlə yetirib. Hadisəni törədərkən E. Babayevin sərxoş vəziyyətdə olduğu məlum olub.

E.Babayev könüllü olaraq 37-ci Polis Bölməsinə gələrək istintaqa təslim olub.

Xatırladaq ki, E. Babayev Moskvada adam öldürdüyünə görə məhbus həyatı yaşayıb. 2001-ci ildə Moskva şəhər Məhkəməsinin hökmü ilə 15 il müddətə azadlıqdan məhrum edilib.

Daha sonra Azərbaycana gətirilən E. Babayev 2014-də azadlığa çıxıb. Onun məhkumluğu tam ödənilməyib.