Suriyadakı döyüş səbəbi ilə Türkiyəyə sığınan ailənin 7 yaşlı övladında erkən yaşlanma xəstəliyi aşkarlanıb.
Mynews.az bu barədə publika.az-a istinadla xəbər verir.
Ölümcül və genetik bir xəstəlik olan erkən yaşlanma kiçik Məhəmmədin həyatını alt-üst edib. Məhəmmədin xəstəliklərinin ilk əlaməti 7 aylığında büruzə verməyə başlayıb və həkimlər böyüdükcə xəstəliklərin əlamətinin daha da şiddətlənəcəyini bildiriblər.
Məhəmmədin tək üzü deyil, ürəyi də qocaldığından oyun oynamaqda çətinlik çəkərək tənginəfəs olur. Məhəmməd özünü güzgüdə gördükdə, əsəbiləşərək ağladığından valideyinləri evdəki güzgüləri yığışdırıblar.
“Digər uşaqlar kimi yaraşıqlı olmaq istərdim və öyrənə bilmək üçün məktəbə getmək istəyirəm” deyən kiçik Məhəmməd bunları söyləyib:
“Hər dəfə küçəyə çıxanda insanlar mənə qəribə baxır. Mənə hər baxdıqlarında gülürlər, mən isə evə dönüb ağlayıram”.
Müalicəsi üçün Almaniyaya getmək istəyən Məhəmmədin arzusu böyüyəndə həkim olmaqdır.
