SON DƏQİQƏ! - Azərbaycanda nikahı olmayanlara KƏBİN kəsdirmək QADAĞAN OLUNDU
Dini Qurumlarla İş üzrə Dövlət Komitəsinin (DQİDK) və Qafqaz Müsəlmanları İdarəsinin (QMİ) yerlərdə çalışan axundlara, imamlara nikahla bağlı xüsusi tövsiyyə və tapşırığı var.
Mynews.az xəbər verir ki, bunu DQİDK-nin sədri Mübariz Qurbanlı jurnalistlərə açıqlamasında deyib.
M.Qurbanlı bildirib ki, tövsiyyə və tapşırıq ondan ibarətdir ki, vətəndaşlar rəsmi nikaha girdikdən sonra əgər din xadiminə müraciət edərək həmin nikahı dini qaydalarla davam etdirmək istəyirsə, bu halda vətəndaşların rəsmi nikaha girməsi ilə bağlı dövlət tərəfindən verilmiş sənədi olmalıdır:
"Bu sənəd olmadan din xadiminin bu nikahı din adı altında təsdiq etməsi tam qanunsuzdur və belə hal olduqda əgər bu din xadimi rəsmi şəxsdirsə, o, dərhal işdən azad olunur, cəzalandırılır, əgər qeyri-rəsmi din ilə məşğul olan adamdırsa, o, hüquq-mühafizə orqanları tərəfindən məsuliyyətə cəlb edilir".
Komitə sədri bildirib ki, rəsmi fəaliyyət göstərən din xadimləri ilə din adı altında bu və ya digər işlər törədən şəxsləri eyniləşdirmək düzgün deyil:
"Qafqaz Müsəlmanları İdarəsinin təyinatı olmadan fəaliyyət göstərən hər hansı bir şəxsin törətdiyi əməllər Azərbaycanda din adına və dini təşkilatların, dini qurumların adına yazılmamalıdır. Yalnız QMİ tərəfindən təyinat almış və rəsmi olaraq fəaliyyət göstərmək icazəsi olan şəxsin dini ayinləri, dini mərasimləri həyata keçirmək icazəsi var. Qalan şəxslərin bu və ya digər dini ayinlər icra etməsi qanunsuzdur".
Sizin üçün seçdik
İndi oxunanlar
Həftənin hitləri
- Arvadını TikTok-da CANLIYA çıxardı: Kişilərin qadına dedikləri qarşısında ərin reaksiyası ŞOK ETDİ 1291 dəfə oxunub
- Onlayn dələduzluq əməlləri sürətlə yayılır - XƏBƏRDARLIQ - VİDEO 1229 dəfə oxunub
- Məşhur aparıcının sümükləri əriyir 1215 dəfə oxunub
- Ermənistan törətdiyi bütün cinayətlərə görə üzr istəməlidir - İlham Əliyev 1148 dəfə oxunub
- Bəzi yerlərdə şimşək çaxır, arabir leysan yağır - FAKTİKİ HAVA 1137 dəfə oxunub