İyulun 4-də erməni təxribatı nəticəsində həlak olan 2 yaşlı Zəhra Quliyevanın atası Elnur Quliyev işlə təmin olunub.
Mynews.az-ın Publika-ya istinadən verdiyi xəbərə görə, Füzuli Rayon İcra Hakimiyyətindən verilən məlumatda bildirilir ki, o, rayonun kommunal xidmət sahələrindən birində çalışacaq.
Qeyd edək ki, ölkə Prezidentinin tapşırığına əsasən, 1966-cı il təvəllüdlü Quliyeva Sahibə İdris qızı və onun nəvəsi 2016-cı il təvəllüdlü Quliyeva Zəhra Elnur qızının dəfn, 1965-ci il təvəllüdlü Quliyeva Sərvinaz İltifat qızının isə müalicə xərcləri İcra Hakimiyyəti tərəfindən təmin edilib.
