Bakıda sərnişinlər metroya ziyan vurublar.
Mynews.az xəbər verir ki, “Bakı Metropoliteni” QSC-nin Mətbuat xidməti və ictimaiyyətlə əlaqələr şöbəsinin rəisi Nəsimi Paşayevin verdiyi məlumata görə, hadisə dünən gecə saatlarında baş verib: “Bu şəkillər Bakı Metropoliteninin 1566 saylı vaqonundandır. Dünən Həzi Aslanov - Dərnəgül xəttində 30 saylı marşrut üzrə hərəkət edirdi. Əsas vəzifəsi sərnişin, insan daşımaq idi. Amma “Qarabağ” futbol klubunun oyunundan çıxıb “Gənclik” stansiyasında metroya minən bəzi “insanlar” ictimai istifadədə olan, büdcə vəsaiti hesabına alınan vaqonu bu vəziyyətə salıblar. Əllərindəki bayraqların sopaları ilə vaqona və videomüşahidə kamerasına zərər veriblər...”
