Gürcüstanın Bolnisi rayonunda Denqe virusuna yoluxma halı qeydə alınıb.
Mynews.az Modern.az-a istinadən xəbər verir ki, bu barədə Gürcüstan KİV-i məlumat yayıb.
Məlumata görə, təhlükəli virus Fazisi kəndinin sakinində aşkarlanıb. Gənc oğlan xəstəxanaya yerləşdirilib.
Artıq Gürcüstan Səhiyyə Nazirliyi virusunun yayılmasının qarşısını almaq üçün Bolnisiyə 10 həkim göndərib.
Denqe virusu Aedes aegypti növündən olan ağcaqanadlar tərəfindən yayılır. Bu zaman insanlarda 40 dərəcəyə qədər qızdırma, göz ağrısı, əzələ ağrıları müşahidə olunur. Denqe xəstəliyi pasiyentlərin ölümünə də yol aça bilər.
