Qarlı və dumanlı hava İsmayıllı-Qaraməryəm-Şəki və Muğanlı-İsmayıllı yolunda avtomobillərin hərəkətində yenidən problemlər yaradıb.
Mynews.az ARB Şəki-yə istinadən xəbər verir ki, Gecə saatlarından çətinliyin aradan qaldırılması üçün "İsmayıllı Yol İstismar" MMC-nin canlı qüvvəsi və ağır texnikaları ərazilərə cəlb olunub. Yollardan qar təmizlənib, nəqliyyatın hərəkəti bərpa olunub. Lakin qar yağışının davam etməsi səbəbindən işlər ara vermədən aparılır.
Səkilərdən buz örtüyünün təmizlənməməsi isə piyadaların hərəkətini xeyli çətinləşdirib.
