Bir ay əvvəl öz nənələri tərəfindən küçədə tərk edilən 3 uşağın anası Kərimova Xəyalə artıq tapılıb. Ana Azərbaycan Uşaqlar Birliyi Uşaq Sığınacağı-Reinteqrasiya Mərkəzinə gəlib və orada ərizəsi alınıb. Maraqlıdır ki, nənə öz qızını qız isə anasını günahkar sayır.
Publika.az-ın məlumatına görə, ananın gəlişi ilə bağlı artıq Ağsu Polis Şöbəsinə məlumat verilib. Sabah da nənəni sığınacağa gələcəyi bildirilib. Təəssüf ki, atadan hələ də xəbər yoxdur.
Uşaqları küçədə sahibsiz qoyub gedən nənə və “çox pis vəziyyətdə idim, anama verib getmişdim deyən” ana ilə bağlı rəsmi olaraq məhkəməyə müraciət ediləcək. Bu barədə Azərbaycan Uşaqlar Birliyinin sədr müavini, Uşaq Sığınacağı-Reinteqrasiya Mərkəzinin rəhbəri Vasif Akifli məlumat verib.
Qeyd edək ki, azyaşlı uşaqlar iyulun 2-də Nəsimi rayon Polis İdarəsinin əməkdaşaları tərəfindən yol kənarında tapılmış və Reinteqrasiya Mərkəzinə yerləşdirilmişdi.
